Նաիրիանի դաշտերն ու արտադրամասը գտնվում են Արա լեռան լանջին բազմած ծաղկառատ Արագյուղում: Այստեղ է ստեղծվում մեր արտադրանքը՝ բույսերի մշակումից, եթերայուղի ստացումից, կոսմետիկական բանաձևերի մշակումից մինչև փաթեթավորում:

Մենք Նաիրիանում հավատարիմ ենք թափանցիկության քաղաքականությանը և գյուղատնտեսության կայուն զարգացման սկզբունքներին, այդ իսկ պատճառով մեծ սիրով հրավիրում ենք Ձեզ այցելել մեր արտադրամաս և պլանտացիաներ։

Այցելեք Նաիրիան և տեսեք

- թե ինչպես են մշակվում բույսերն ու ծաղիկները՝ վերածվելով բնական կոսմետիկայի,

- շրջեք արտադրամասի շրջակայքում գտնվող մեր փորձարարական պարտեզում և մասնակցեք ծաղկաքաղի (ըստ սեզոնի),

- ծանոթացեք եթերայուղերի թորման ընթացքին (և ըմբոշխնեք բույրը),

- Ձեր հարցերը ուղղեք Նարիանի մասնագետներին,

- վայելեք Նաիրիանի խոտաբույսերից (3 տեսակի խառնուրդ) պատրաստված թեյաթուրմը և մեր աշխատակիցների կողմից հատուկ Ձեզ համար պատրաստված խնձորի չիրը մեր պարտեզի տաղավարում,

- ձեռք բերեք Նաիրիանի ապրանքատեսականին 10% զեղչով Արագյուղի մեր բուտիկում: 

 
ՎԱՐԴԱՔԱՂ / ԾԱՂԿԱՔԱՂ

Մասնակցեք վարդաքաղի կամ ծաղկաքաղի հատուկ շրջայցին և անցկացրեք անմոռանալի և ոգեղեն ժամանակ գեղատեսիլ Արագյուղում՝ ձեր օրը հագեցնելով նորանոր հաճելի զգացողություններով։ Վարդաքաղը հնարավոր է կազմակերպել հունիս ամսին (մոտավորապես հունիսի 15-ից հուլիսի 5-ը, իսկ ծաղկաքաղը՝ հունիսի վերջից մինչ օգոստոսի վերջ):

*    Ծաղկաքաղը կախված է սեզողնից։

**  Վճարը մինչև 10 տարեկան երեխայի համար կազմում է 3,000 ՀՀ դրամ ((ներառյալ ԱԱՀ, լանչն ըստ նախնական պատվերի ներառված է): Երեխային պետք է ուղեկցի առնվազն 1 (մեկ) չափահաս։

Լանչը մատուցվում է ըստ նախնական պատվերի եւ ներառում է արտադրամասի այցելության օրվա ճաշացանկը (աղցան, 1 (մեկ) տաք ուտեստ):

Եթե ​​Ձեզ անհրաժեշտ է կազմակերպված փոխադրում, առաջարկում ենք օգտվել GG Շաթլ ծառայությունից։

1. Խնդրում ենք Ձեզ ինչպես ամրագրման հայտը լրացնելիս, այնպես էլ մեր գործակալի հետ այցելության հաստատման ժամանակ նշել, որ Ձեզ անհրաժեշտ է GG Շաթլով փոխադրում: GG կբացի համապատասխան երթուղին ձեր այցելության օրը:
2. Ուղեւորությունից մեկ օր առաջ բացեք GG հավելվածը եւ սեղմեք ավտոբուսի պատկերին: «Դեպի ուր» դաշտում մուտքագրեք «Արագյուղ»: Ընտրեք երթուղին եւ սեղմեք «Ամրագրել»

Այցի ամրագրման համար սեղմեք ստորև նշված կոճակը:

Խնդրում ենք ամրագրման հայտն ուղարկել նախատեսված ամսաթվից ոչ ուշ, քան մեկ շաբաթ առաջ:

Լրացուցիչ տեղեկությունների համար խնդրում ենք զանգահարել մեզ +374 11 200 300 հեռախոսահամարով կամ գրել info@nairian.com էլ. հասցեին։

Այցելությունները կազմակերպվում են ամեն երեքշաբթի և ուրբաթ օրերին, շաբաթ օրերին ըստ պահանջի։

Մենք խոսում ենք հայերեն, անգլերեն և ռուսերեն։

Այցի տևողությունն է 2-2.5 ժամ։